Bepantenning yangi tug‘ilgan chaqaloqlarga qo‘llanilishi

Mundarija:

• Bichilish nima va u nima sababdan hosil bo‘ladi?
• Bepanten: yangi tug‘ilgan chaqaloqlar uchun qo‘llash
• Chaqaloqlar terisi bichilganda Bepanten malhamidan qanday qilib to‘g‘ri foydalanish kerak?
• Bepanten kremi va malhamidan yana qachon foydalanish mumkin?

Ko‘pincha yangi tug‘ilgan chaqaloqlarning onalari bichilish muammosiga duch kelishadi. Ular paydo bo‘lganda terini to‘g‘ri parvarish qilish kerak, chunki og‘riqli toshmalar chaqaloqni bezovta qilishi mumkin. Bundan tashqari, agar to‘g‘ri parvarish qilinsa, bichilish umuman paydo bo‘lmasligi yoki juda kamdan-kam hollarda paydo bo‘lishi mumkin.

Bichilish nima va u nima uchun hosil bo‘ladi?

Yangi tug‘ilgan chaqaloqlarda teri juda nozik va zaif bo‘lib, uning to‘siq va himoya funksiyalari hali to‘liq shakllanmagan bo‘ladi. Shu sababli, chaqaloqning teri qoplami quyidagi omillar ta’siriga juda sezgir:

• Mexanik (taglikka, kiyimga ishqalanish).
• Kimyoviy (siydik va najas bilan aloqa).
• Jismoniy (yuqori namlik va qizib ketish).

Ushbu sabablarning har biri bichilish (yo‘rgak dermatiti) - terining qizarishi va mahalliy shish paydo bo‘lishiga olib kelishi mumkin. Agar bolaga o‘z vaqtida yordam ko‘rsatilmasa, qizarish kuchayadi, terida yoriqlar va eroziyalar paydo bo‘lishi mumkin. Yo‘rgak dermatiti achishish va qichishish bilan kechadi, buning natijasida bola yomon uxlashi va ovqatlanishi, tez-tez yig‘lashi mumkin.

Bichilishlarni davolash uchun qaysi vositani tanlash kerak? Ularning paydo bo‘lmasligi uchun nima qilish kerak?

Bepanten: yangi tug‘ilgan chaqaloqlar uchun qo‘llash

B5 provitamini - dekspantenol asosidagi vositalar chaqaloqning shikastlangan terisining bitishini samarali rag‘batlantirishga yordam beradi. Emizikli bolalar uchun Bepanten mahsulotlari qatorida ikkita preparat mavjud: krem va malham. Ikkala vosita tarkibida bir xil ta’sir etuvchi modda bo‘lishiga qaramay, ular turli xil xususiyat va xossalarga ega.

Yangi tug‘ilgan chaqaloqlar uchun qaysi Bepanten yaxshiroq va tanlovni qanday aniqlash mumkin?

Krem o‘zining yengil tuzilishi va yumshoq konsistensiyasi tufayli teri qoplamasi yuzasidan juda tez so‘riladi, uni namlaydi va yumshatadi. Yo‘riqnomaga ko‘ra, krem quruq va sezgir terini parvarish qilish uchun ishlatiladi. Bundan tashqari, yangi tug‘ilgan chaqaloqlar uchun Bepanten kremini har kuni teri quruqligining oldini olish va davolash, bolalarning nozik terisini namlash uchun ishlatish mumkin.

Yo‘rgak dermatitining oldini olish va davolash uchun odatda quyuqroq va yog‘li malham ko‘proq mos keladi. Uning tarkibidagi provitamin V5 tabiiy tiklanish jarayonlarini rag‘batlantiradi, zararlangan sohada moddalar almashinuvini normallashtiradi, shuningdek, o‘rtacha yallig‘lanishga qarshi ta’sir ko‘rsatadi.

Bundan tashqari, yangi tug‘ilgan chaqaloqlar uchun Bepanten surtmasi tarkibida yuqori konsentratsiyali tabiiy lanolin mavjudligi tufayli himoya vazifasini bajaradi. Vosita surtilganda o‘ziga xos nafas olish to‘sig‘i hosil bo‘ladi, bu esa qo‘zg‘atuvchilar (siydik, ter, najas) chaqaloqning nozik terisiga zarar yetkazishiga yo‘l qo‘ymaydi. Shu bilan birga, bunday himoya teri nafas olishiga to‘sqinlik qilmaydi, bu esa malhamni yilning istalgan vaqtida ishlatish imkonini beradi.

Ko‘pchilik onalarni yangi tug‘ilgan chaqaloqni teri sezuvchanligi yuqori bo‘lganda Bepanten bilan surtish mumkinmi, degan savol o‘ylantiradi. Bepanten malhami va kremiga allergiya juda kam uchraydi. Ikkala vosita ham klinik sinovlardan o‘tgan, qulay xavfsizlik profiliga ega va kundalik foydalanish uchun mos keladi.

Chaqaloqlar terisi bichilganda Bepanten malhamidan qanday qilib to‘g‘ri foydalanish kerak?

Yo‘rgak dermatiti belgilari paydo bo‘lganda, har safar taglikni almashtirish paytida terining shikastlangan joyiga yupqa qatlamda malham surtiladi. Ishlov beriladigan soha toza va quruq bo‘lishi kerak. Bepanten malhamini bichilishning oldini olish uchun ham qo‘llash mumkin. Buning uchun u kun davomida taglikni har bir almashtirishda surtiladi.

Yangi tug‘ilgan chaqaloqda bichilish paydo bo‘lganda, ona tashqi vositalardan foydalanishdan tashqari, boshqa oddiy qoidalarga ham amal qilishi kerak:

• Taglikni o‘z vaqtida almashtirish.
• Chaqaloqni har safar axlatdan keyin yuvintirish.
• Suv bilan aloqadan so‘ng, zararlangan terini yumshoq sochiq bilan quriting.

Bundan tashqari, bolaga tez-tez havo vannalari qilish kerak, shunda zararlangan teri ancha tezroq tuzaladi.

Bepanten kremi va malhamidan yana qachon foydalanish mumkin?

Chaqaloqning yuz terisi ko‘pincha quruq va po‘st tashlaydi. Yangi tug‘ilgan chaqaloqning yuzi uchun Bepanten kremini ham ushbu alomatning oldini olish, ham uni davolash uchun ishlatish mumkin.

Chaqaloqning terisi bilan bog‘liq muammolardan tashqari, yangi tug‘ilgan chaqaloqlarning onalari ko‘pincha yana bir noxush hodisaga duch kelishadi - og‘riqli ko‘krak yoriqlari. Ular paydo bo‘lganda bolani emizish juda qiyin bo‘ladi. Ko‘krak uchlari yorilishining oldini olish va davolash uchun har safar emizishdan keyin ko‘krak uchlariga Bepanten malhami surtiladi. Bolaga yana ko‘krak berishdan oldin vositaning qoldiqlarini yuvib tashlash kerak.

Yangi tug‘ilgan chaqaloqni to‘g‘ri parvarish qilish chaqaloqni ham, uning ota-onasini ham tashvishga soladigan bichilishlar va boshqa noxush dermatologik muammolarning oldini oladi. Parvarishlash vositalarini tanlashda sifatli va o‘zini yaxshi ko‘rsatgan mahsulotlarga ustunlik bering.